«Халықаралық білім беру корпорациясы» ЖШС-нің Академиялық саясатына сәйкес оқу сабақтарына тұрақты қатысу білім беру бағдарламасын табысты меңгерудің және жоспарланған оқу нәтижелеріне қол жеткізудің маңызды құрамдас бөлігі болып табылады.
Назарларыңызға әрбір пән бойынша жіберілген аудиториялық сабақтардың жалпы көлемі қарастырылған оқу сағаттарының 25%-ынан аспауға тиіс екенін жеткіземіз. Осы талапты семестр бойы ескерулеріңізді сұраймыз, өйткені сабақтарға тұрақты қатысу оқу материалын жүйелі түрде меңгеруге, қарастырылған тапсырмаларды уақтылы орындауға және академиялық үлгерімнің қажетті деңгейін сақтауға мүмкіндік береді. Сабақтан қалудың белгіленген шегінен асып кету пәнді толық меңгермеуге және белгіленген академиялық талаптарды орындамауға әкелуі мүмкін. Бұл, өз кезегінде, оқудың қорытынды нәтижелеріне және пән бойынша оң баға алу мүмкіндігіне әсер етуі ықтимал.
Осыған байланысты оқу сабақтарына тұрақты қатысуды, iPortal жүйесінде сабаққа қатысу және ағымдағы үлгерім туралы ақпаратты жүйелі түрде тексеріп отыруды, сондай-ақ қарастырылған оқу тапсырмаларын уақтылы орындауды ұсынамыз.
Оқу үдерісіне жауапкершілікпен қарайтындарыңызға сенім білдіреміз. Сабаққа қатысу талаптарын сақтау, ең алдымен, білім беру бағдарламасын толыққанды меңгеруге және семестрді табысты аяқтауға қажетті жағдай жасауға бағытталған.
Түсіністік танытқандарыңыз үшін алғыс білдіреміз және оқу жылында толағай табыстар тілейміз!